Waziri wa Maji na Umwagiliaji nchini Prof. Jumanne Magembe amesema Serikali imejipanga vyema kuhakikisha inapunguza kama si kuondoa kabisa tatizo la uhaba wa maji nchini.
Waziri Magembe ameyasema hayo jana mbele ya Waziri wa Maji na Umwagiliaji wa Serikali ya Misri Prof. Dr. Mohamed Bahaa El-Din Ahmed pamoja na wananchi wa kijiji cha Mandang’ombe kilichopo wilayani Maswa mkoani Simiyu wakati wa Ufunguzi wa visima 30 katika maeneo ya wilaya sita kame Tanzania, vilivyochimbwa kwa msaada wa serikali ya Misri.
Takwimu za upatikanaji wa maji katika Wilaya zilizochaguliwa kwenye mradi huo hadi mwezi Disemba 2011 wilaya zilizomo kwenye miradi zinaonyesha kuwa na hali ni ya mvua zisizoridhisha.
Nae Waziri wa Maji na Umwagiliaji wa Serikali ya Misri Prof. Dr. Mohamed Bahaa El-Din Ahmed amepongeza ukamilishwaji wa mradi huo, ambao umagharimu jumla yak dola za kimarekani milioni moja.
Tanzania na Misri zimekuwa zikishirikiana katika Nyanja mbalimbali za kisiasa , kilimo cha umwagiliaji, pamoja na mpango wa madaktari wa kujitolea ambapo madaktari kutoka Nchini Misri huja nchini kutoa huduma mbaalimbali.